Munnleg geymd og kortlagning minninga var áttunda fræðsluverkefni Skaftfells og stóð öllum grunnskólum á Austurlandi til boða þeim að kostnaðarlausu. Listsmiðjan miðaðist við nemendur á miðstigi og var framkvæmd í október 2016.

Í verkefninu var hugtakið munnleg geymd krufið af nemendum og í kjölfarið skoðað hvað gerist þegar munnleg geymd er skrásett annars vegar sem hljóðupptaka og hins vegar á sjónrænan máta.

Nemendur sem tóku þátt nýttu eigin minninga- og frásagnarbanka til að segja frá atburði eða upplifun hvort sem það var þeirra eigin reynsla eða eitthvað sem þau höfðu heyrt af. Í kjölfarið útfærðu þau frásögnina sjónrænt með því að gera eins konar kort af frásögninni eftir eigin höfði.

Á heimasíðu Skaftfells má líta og heyra allar þær frásagnir og  kort sem söfnðust saman í smiðjunum. http://skaftfell.wixsite.com/minningar