Þjóðlagaskotnir barna- og fjölskyldutónleikar fyrir hressa og skapandi krakka á öllum aldri. Hljómsveitin Brek býður upp á nærandi og metnaðarfulla tónlistarupplifun fyrir börn og fjölskyldur þeirra þar sem saman renna minningabrot, frásagnir, hljóðmyndir og dásamleg tónlist í framúrskarandi flutningi. Sveitin ferðast inn í heim hljóðfæranna í gegnum tónlist sína og með liðsinni áhorfenda verður til heillandi stemning þar sem hlustað er eftir óvæntum hljóðum, takti og laglínum.Efnisskráin var upprunalega unnin í samstarfi við belgíska leikstjórann Wouter Van Looy, listrænan stjórnanda Big Bang Festival, og flutt á Big Bang tónlistarhátíðinni í Hörpu vorið 2022 þar sem Brek hélt tónleika fyrir hundruð grunnskólabarna. Síðan þá hefur dagskráin verið flutt nokkrum sinnum í Salnum í Kópavogi og fyrir grunnskólabörn víða í Reykjavík.
Nýverið hefur hljómsveitin svo útfært dagskránna fyrir alþjóðlegan markað en í september 2024 spilaði Brek á YAM Session sem er árleg tónlistarhátíð og ráðstefna tileinkuð barnamenningu. Að auki var hljómsveitin ráðin til að spila fyrir grunnskólabörn í Finnlandi á viku löngu tónleikaferðalagi.
Hljómsveitin Brek leikur aðallega frumsamda, alþýðu skotna, tónlist með áhrifum úr ýmsum áttum, m.a. þjóðlagatónlist, jazz og popp en meðlimir sveitarinnar leggja mikla áherslu á að skapa áhugaverða stemningu í hljóðfæraleik sínum. Auk þess er lögð áhersla á fjölskrúðuga notkun íslenskrar tungu í textagerð.
Hljómsveitina skipa:
Harpa Þorvaldsdóttir, söngur og píanó
Jóhann Ingi Benediktsson, gítar og söngur
Guðmundur Atli Pétursson, mandólín og bakraddir
Sigmar Þór Matthíasson, kontrabassi og bakraddir
Hér má sjá sýnishorn af viðburði Bernskubreks.
https://drive.google.com/file/d/1UDl8jxoWZtzcSLMylUQO-_TcLGZyJCYx/view
Nánar um BREK á www.brek.is
Tónleikar
Haust 2026
Norðvesturland
Harpa Þorvaldsdóttir
Jóhann Ingi Benediktsson
Guðmundur Atli Pétursson
Sigmar Þór Matthíasson
Allur aldur
