Rákir – að teikna hreyfingu Dans og myndlist

Rákir – að teikna hreyfingu

“Rákir – að teikna hreyfingu” er samvinnuverkefni dansarans Katrínar Gunnarsdóttur og teiknarans Rán Flygenring.
Í þessu tilraunasamstarfi er samspil teikningar og hreyfingar í brennidepli, þar sem leikið er með í spuna hvernig ólíkir miðlar, danslist og myndlist, hafa áhrif hvor á annan.
Verkefnið er hugsað sem tvíþætt, annars vegar listviðburður og hinsvegar vinnusmiðja fyrir grunnskólanemendur.
Byrjað er á stuttri sýningu þar sem listakonurnar sýna nemendum sitt samstarf. Að sýningu lokinni er unnið með nemendum í vinnusmiðju þar sem þau prófa sig áfram með að teikna hreyfingu og hreyfa sig eftir teikningum.
Unnið er í pörum, þar sem nemendur teikna munstur, orð, teikningar og vinna með í hreyfingu. Í vinnusmiðjunni leikum við okkur með hugtök sem áhrifagjafa í teikningu og hreyfingu: form, liti, tilfinningar og tempó og virkjum þannig ímyndunaraflið og sköpunarkraftinn.”

 

Upplýsingar
Hvað

Rákir - Að teikna hreyfingu

Hvenær

28. september - 2. október 2020

Hvar

Austurland

Hverjir

Katrín Gunnarsdóttir
Rán Flygenring

Aldurshópur

4. - 7. bekkur

Aðstaða og tækni

A3 pappír og þykkir tússlitir

d